ဆံပင်ကျန်းမာရေးနှင့်ဆက်နွယ်သော ဗဟုသုတ အကြံပြုချက် (၁၀ မျိူး)

Rosemary Oil (စမုန်ဖြူဆီ) ကို အသုံးပြုခြင်း
ဆံပင်အရှည်မြန်ဖို့နှင့် ဦးရေပြား ကျန်းမာရေးအတွက် Rosemary ဆီကို အခြား carrier oil (ဥပမာ- အုန်းဆီ၊ Jojoba ဆီ) ဖြင့် ရောစပ်ပြီး ဦးရေပြားကို နှိပ်နယ်ပေးခြင်းသည် သွေးလည်ပတ်မှုကို ကောင်းမွန် စေပါတယ်

ခေါင်းမလျှော်မီ ဆီလိမ်းခြင်း (Pre-Poo Routine):
ခေါင်းမလျှော်မီ နာရီအနည်းငယ် သို့မဟုတ် တစ်ညလုံး ဆံပင်အရှည်နှင့် ဦးရေပြားကို ဆီ (ဥပမာ- Castor Oil, Jojoba Oil, Coconut Oil) လိမ်းထားခြင်းဖြင့် ခေါင်းလျှော်သည့်အခါ ဆံပင်အမျှင်များ အစိုဓာတ် မဆုံးရှုံးစေရန် ကာကွယ်ပေးသည်ဟု ဆိုသည်။

အပူမပါဘဲ ဆံပင်ကောက်ခြင်း
ဆံပင်ကို အပူပေးစက်အသုံးမပြုဘဲ ညအိပ်ရာဝင်ရာတွင် လျှော်တောင့် သို့မဟုတ် တီရှပ်၊ အဝတ်စရှည်များဖြင့် ပတ်၍ ကောက်ခြင်း (ဥပမာ- Sock Curls, Silk Robe Curls) သည် ဆံပင်ပျက်စီးမှုကို လျှော့ချရန်အတွက် နာမည်ကြီးသည်

ပိုး သို့မဟုတ် ဆာတင် ခေါင်းအုံးစွပ်/ ဦးထုပ် အသုံးပြုခြင်း:
အိပ်စက်နေစဉ် ပွတ်တိုက်မှုကို လျှော့ချရန်၊ ဆံပင်ကျိုးကြေပျက်စီးခြင်းနှင့် အဖျားနှစ်ခွဖြစ်ခြင်းကို ကာကွယ်ရန်အတွက် ပိုး သို့မဟုတ် ဆာတင်သားဖြင့် ပြုလုပ်ထားသော ခေါင်းအုံးစွပ် သို့မဟုတ် ဦးထုပ်ကို အသုံးပြုနိုင်ပါတယ်

Hair Cycling (ဆံပင်စက်ဝန်း) နည်းလမ်း
ခေါင်းလျှော်ရည်/ ကွန်ဒီရှင်နာကို မသုံးဘဲ၊ နေ့ရက်အလိုက် (ဥပမာ- ကြည်လင်အောင်လျှော်ခြင်း၊ အစိုဓာတ်ဖြည့်ခြင်း၊ အားဖြည့်ခြင်း) ကွဲပြားသော ထုတ်ကုန်များကို လှည့်ပတ်အသုံးပြုခြင်း ဖြစ်သည်။

ဆန်ဆေးရေဖြင့် ဆံပင်သန့်စင်ခြင်း
ရှေးယခင်ကတည်းက အသုံးပြုခဲ့သော နည်းလမ်းဖြစ်ပြီး ဆန်ဆေးရည်ကို ဆံပင်ရှည်စေရန်နှင့် ဆံသားကို တောက်ပြောင်ခိုင်ခံ့စေရန်အတွက် ခေါင်းလျှော်ပြီးနောက် နောက်ဆုံးအဆင့်တွင် သုံးစွဲခြင်း ဖြစ်သည်။

Trimming (ဆံပင်ညှပ်ခြင်း) ၏ အရေးပါမှု:
ဆံပင်ကို ပိုရှည်စေသည်ဟု ဆိုခြင်းထက်၊ အဖျားနှစ်ခွ (Split Ends) များကို ဖယ်ရှားရန်အတွက် ၆ ပတ်မှ ၈ ပတ်လျှင် တစ်ကြိမ် ပုံမှန် ညှပ်ပေးခြင်းဖြင့် ဆံပင်ကျိုးပျက်ခြင်းကို တားဆီးကာ ဆံပင်ကို ကျန်းမာသန်စွမ်းစေပါတယ်

သဘက်ဖြင့် ညင်သာစွာ သုတ်ခြင်း
ခေါင်းလျှော်ပြီးစ စိုနေသောဆံပင်ကို သဘက်ကြမ်းကြမ်းဖြင့် ပွတ်တိုက်ပြီး သုတ်ခြင်းကို ရှောင်ရန်

ဦးရေပြားကိုသာ ခေါင်းလျှော်ရည် အသုံးပြုခြင်း
ခေါင်းလျှော်ရည်ကို ဆံပင်အရှည်တစ်ခုလုံး လိမ်းမည့်အစား ဦးရေပြားကိုသာ အဓိကထား၍ နှိပ်နယ်လျှော်ဖွပ်ရန်နှင့် ကွန်ဒီရှင်နာကို ဆံပင်အလယ်ပိုင်းမှ အဖျားပိုင်းအထိသာ အသုံးပြုသင့်ပါတယ်

စိုနေသော ဆံပင်ကို သေချာဖီးခြင်း
စိုစွတ်သော ဆံပင်သည် အလွန်ပျက်စီးလွယ်သောကြောင့်၊ ပျက်စီးမှုနည်းအောင် ကွန်ဒီရှင်နာ လိမ်းထားစဉ် (သို့မဟုတ်) Leave-in conditioner လိမ်းပြီးမှ ဘီး အကြဲ(Wide-tooth comb) ကိုသုံး၍ အဖျားပိုင်းမှစကာ အပေါ်ပိုင်းသို့ တဖြည်းဖြည်း ဖီးပေးရန် အရေးကြီးပါတယ်
ဒါဆိုရင် ဆံပင်နဲ့ပတ်သက်ပြီး ဘာအမှား ‌ေတွလုပ်မိ ‌ေနလဲ စမ်းစစ်ပြီး ပြုပြင်လိုက်ကြရအောင် နော်